ह्या लेखावरील काही संकेतस्थळांवरील चर्चेवरुन असे लक्षात आले की लेखामधील संदर्भांबध्दल अधिक स्पष्टीकरणांची आवश्यकता आहे. खालील स्पष्टीकरणांमुळे लेखातील तृटी दूर होतील अशी आशा आहे.
१. भाउ पाध्ये – बऱ्याच वाचकांना भाऊ पाध्ये कोण हे माहीती नसावे. भाऊ पाध्ये हे पूर्वी गाजलेल्या वासू नाका ह्या कादंबरीचे लेखक होते. ह्या कादंबरीवर आचार्य अत्र्यांनी अश्लीलते च्या व इतर मुद्यावरुन घणाघाती टीका केली होती. त्यांनी भाऊ पाध्यांना मराठी साहीत्यातील मवाली असे म्हणले होते.. भाउ पाध्ये हे लेखक व पत्रकार होते. त्यांनी कामगार चळवळीतही भाग घेतला होता. त्यांच्याविषयीच्या संकेत स्थळावर त्यांच्याविषयीची माहीती उपलब्ध आहे. ( ह्या संकेतस्थळाची माहीती प्रतीसादातून दिल्या बध्दल श्री अवधूत यांचे आभार) . दिलीप चित्रे, अशोक शहाणे, भालचंद्र नेमाडे ह्यानी भाउ पाध्यांवर लिहीलेला मजकूर ह्या संकेतस्थळावर उपलब्ध आहे. आणखी एक लक्षात घेण्या सारखी बाब म्हणजे भाउ पाध्यांच्या पत्नी, पूर्वाश्रमीच्या शोशन्ना माजगावकर ह्या जन्माने बेने ईद्रायली ज्यू होत्या व कामगार चळवळीतील कार्यकर्त्या होत्या.
२. ईर्मा ग्रीस – ह्या स्त्री नाझी एस् एस् गार्ड बध्दल अधिक माहीती – ही दुसऱया महायुध्द काळातील सर्वात कुप्रसिध्द जर्मन स्त्री होती. ती त्या काळात सुंदर पशु (Beautiful Beast ) व ऑस्चविझ छळछावणीतील पशु (Beast of Aushchwitz) ह्या नावाने ओळखली जायची. ती न्युरेंबर्ग खटल्यातील
फासावर जाणाऱ्या युध्दगुन्हेगारांपैकी फासावर जाणारी सर्वात तरूण युध्दगुन्हेगार होती. तसेच ब्रिटीश कायद्या नुसार फाशी गेलेली सर्वात तरूण स्त्री होती. तीच्यावर अनेक पुस्तके लिहीली गेली.
फासावर जाणाऱ्या युध्दगुन्हेगारांपैकी फासावर जाणारी सर्वात तरूण युध्दगुन्हेगार होती. तसेच ब्रिटीश कायद्या नुसार फाशी गेलेली सर्वात तरूण स्त्री होती. तीच्यावर अनेक पुस्तके लिहीली गेली.
विकीपीडीयावरील तीच्याविषयीची माहीती.
एका ब्रिटीश संकेतस्थळावरील माहीती
मिरर ह्या लंडनमधून प्रसिध्द होणाऱया दैनिकातील दिनाक २१ नोव्हेंबर २००५ च्या अंकात तीच्याविषयी प्रसिध्द झालेला लेख
ऑस्चविझ छळछावणी स्मारकाच्या संकेतस्थळावरील तीच्याविषयीची माहीती
खालील संकेतस्थळावर तीच्यावरील खटल्यावर लिहीलेल्या एंजल ह्या नाटकाविषयी माहीती आहे.
खालील संकेतस्थळावर तीच्या विषयी आजही चर्चा चालू आहे.
३. बेकलाइट – हे एकप्रकारचे प्लॅस्टीक आहे. बकेलाइटचे दागीने १९३० ते १९६० सालापर्यंत युरोपात चलीत होते. ते भारतात प्रचलीत असल्याचे ऐकीवात नाही. मर्ढेकर १९२९ ते १९३३ पर्यंत लंडनमध्ये शिकायला होते. त्याच काळात ते दागिने तेथे प्रचलीत होते. त्यामुळे ह्या दागिन्यांची त्यांना माहीती असेल. बेकलाइटी ह्या विशेषणाचा संदर्भ असा असावा.
४. ज्यूंचा वंशसहार ( Holocaust) - दुसऱया महायुध्दाच्या काळात सुमारे साठ लाख ज्यूंना मारणयात आले. त्याचा कोणताही अपराध नसताना केवळ ज्यू म्हणून त्यांना यमसदनास पाठविण्यात आले. हा गेल्या शतकातील सर्वात मोठा वंशसंहार होता. हा संहार हिटलरच्या ज्यू वंश द्वेषामुळे व जर्मन वंशश्रेष्टत्वाच्या अहंकारापोटी घडवून आणला गेला. हिटलरच्या फायनल सोल्युशन ह्या योजनेनुसार हिटलरला ज्यू वंशाचा पूर्णपणे निप्पात करायचा होता. हा मानवी इतिहासातील अतिशय घृणास्पद घटनाक्रम आहे. असाही एक प्रवाद आहे की चर्चिल वगैरे दोस्त राष्ट्रांच्या युध्दनेत्यांना हिटलरच्या छळछावण्यात काय चालले आहे याची कल्पना होती. त्यांना हा संहार थाबविणेही शक्य होते. परंतु काही राजकीय डावपेच म्हणून ह्या प्रकाराकडे सोयीस्कररीत्या दुर्लक्ष केले. हा विषयावर अनेक पुस्तके उपलब्घ आहेत. तसेच याची माहीती अनेक संकेतस्थळावर उपलब्ध आहे. त्यापैकी काही संकेतस्थळे खाली दिलेली आहेत.
No comments:
Post a Comment